Music Break Books

從小愛看字，更喜愛書不離手。
有電腦後更加珍惜拿起一本書慢慢翻越的感覺，文字永遠帶走我的心靈，精神到遠處。
家中書量並不驚人，每一本書也可能被看超過十次，悶極之時，甚至連舊時的教科書也看得津津有味。中學時代會一個人望著教科書發呆，以為我在溫習？沒可能，我只是看著書裹的一字一句而已。

文，我寫不出來，書，更不可集成。文筆不好到算下等，字也寫得不漂亮，欣賞字裹行間的文筆嗎？別開玩笑了，別說甚麼凡夫俗子論，我從小就對刁鑽到極致的文法感到厭倦。我看書，看文，看字，是在幻想，是在思考。思緒極速遊走，這一句帶到我七情六慾，那數文推我入人間地獄。並非代表前者是愛情小說，後者是酷刑古書，甚至乎，剛好相反，對，就是這麼瘋狂。

思緒不用停留，只要狂奔，就夠了。
或許這正是我從沒法寫出好文章的原因，這邊廂在想前文後理，那邊廂卻在思因考究。雜且亂。但看字，看文，看書就沒所謂了，藝術，是一種沒有主觀性答案，註定自說可自話，這就夠了。我因此字，那文，這書，得出這起，那承，彼轉，此合。你能干預麼？

可以。

唯音樂，中斷我強烈的思緒，不止一次，能震撼心靈的音樂，必能完全震斷我的思緒。乘車閱讀是習慣，被音樂震斷閱讀，就不止一次出現在車程途中。不管用澎湃的搖滾強姦，或是用輕柔的和弦引誘，只要是那特定幾首能震斷心思的歌出現在耳邊中，註定思緒會由眼轉向耳朵中。

如果字是放任，聲就是約束，沒有一次我聽一首歌時，可以出現有別於上一次聆聽時的情感。他就像是把你的思維從遙闊的平原中，硬生生從地上冒起一座牢寵，密室，把你困得動彈不得的同時，像神創世一般把平原快速地從石變成水，把天空從黑變成綠。一切是註定的，均一的，不變的。

如果音樂是一，那，文章就是零。

理性，與，感性
從不在一條直線上
Crusade Chau 2010年2月20日凌震三時

沙田十年

最近開似唔用xanga，要感性個陣都用facebook

無錯，今日我又有野講。

前排無聊去左估價網check自己住緊既呢幢"會所至平台設計十分獨特，但住宅十分平凡"的帝堡城

(唔信？黎一次你一定信)，樓齡一欄，十一年。



帝堡城係我老豆未落城買樓花個陣買落的，扣除裝修時間，即係我移居沙田都已經有成十年，
人生有幾多個十年？well，呢個我聽到有少少厭，不過我好肯定，成長十年我係沙田過的。搬入沙田，我到現在第一個答出的印象係:空氣好左，以前觀塘日子鼻水多到塞住係個鼻入面變鼻屎。
而家？清過清清。沙田俾我最吸引既地方係空氣，真係好舒服。我有時為左呼吸多一陣呢啲空氣選擇行番屋企(屋企少開窗)，由邊度開始行？近至愉翠苑，遠少少第一城，最誇張既，係沙田新城市。
好阿伯既喜好，我住沙田之後其中一個變相既喜好就係，行路。當然未去到無野做出去行番轉，
但係一定會特登搭平啲行過去。做和民要做收檔個期，攰極都要由新城市行去麗豪酒店。但係攰咩？唔攰喎。或者習慣左，而家讀理工，理工到黃埔？閒事。理工到海港城？閒事。海港城到黃埔？亦是閒事。一而再再而三俾人話過我痴線，第一城落車唔搭巴士番去要行半個鐘？Yes, Thank you! I am crazy!

沙田其實分開左五區，連埋我住緊既小瀝源，由城門河切開四塊，大圍，火炭，禾輋，最後後加馬鞍山(有人以為馬𩣑山同沙田同級，我都俾唔到反應佢地)，因為係觀塘讀書，我絕對甚少進入大圍火炭馬鞍山呢三個地區，直啲講，我係沙田盲。早期夜番到沙田其中一度落車，我好肯定話你聽，我唔識路番屋企。直到而家我都未摸清啲路。因為讀書關係，令到我只會徘徊係新城市，同我屋企附近，行街？新城市廣場囉。跟本無沙田住既朋友，所以甚少出去其他地方，最多去其他邨既酒樓食下飯，當然係陪老豆老媽。

當年沙田盲既我，對於而家改頭換面既新城市，其實好反感，噢，唔好意思，現家既我都對佢無乜好感
，以前新城市其實都好多人，不過無而家咁瘋狂(要用瘋狂一詞，未去過就自己諗下有幾誇張)。以前佐記，班尼奴，你都係，豬二千都係新城市入面，而家？踢晒出去同佢連住既廣場十世。你會見到好大間HMV，馬莎，玩具反斗城，而家走既走縮既縮。我細過玩具反斗城個試玩區好大架囉！仲有好大間既大眾(而家個個算細)，有個十年都唔去，我亦唔覺啲野特別好食又偏遠既Food Court(三期真係有少少遠，加上細過去新城市係跟阿爸阿媽多，駛鬼食Food Court咩！)最最最正的，莫過於音樂噴泉同個個，淨係靠賣報紙都屈晒機既報紙檔。音樂噴泉固之然係我認為最靚既地方，報紙檔就係有一種神奇既魔力同不協調感。你會叱異呢個位有報紙檔？好奇怪喎！但係，佢啲報紙好賣到痴左線！如果唔係新城市玩野佢一定仲可以係度。

最記得新城市要變個陣，岩岩好係觀塘，另一個我活動既地方，出現左APM。兩者無獨有偶俾到我一種感覺，唔上唔落，高不成低不就。我望住APM有既野，開始係新城市出現，以前好街坊Feel既一期二樓(即係去火車站個層)，突然唔見左佐記，班尼奴，你都係同豬二千。變左Estee Lauder, Dior, Shiseido, xxx等化妝品專門店。呢個係我意識到既第一件事。之後就痴左線，當年全港最忙既KFC，突然消失！係消失！要隔左成年幾兩年先係三期出現番。大堆品牌好似izzue, bauhaus, quicksilver, converse, overlander, levi's 等等等等出現係一期上層。就好似一場革命咁，最飛上枝頭變鳯凰既新城市，強行更換所有店舖(當時成鬼日都見到唔同店舖搬位)過左幾年，新城市消費指數真係高左好多，但係都係個句，高不成，低不就。

點解話APM同新城市高不成低不就，其實好簡單，佢地想作為兩大人口集中點(觀塘，唔駛解釋啦？沙田，甚至新界東附近都無同級商場)既旗艦商場，高消費指數不特止，專賣品牌貨，但係要係一啲係人都識既品牌
Agnes B, vivienne westwood, Stage of playlord, Levi's, Chevignon
問題黎啦，入面賣既，全部係Best buy Item.即係點？你想要多啲款阿？去又一城啦！再唔係去中上環老尖佢地既旗艦啦煩！你好有Taste咩？跟風啦你！
This is the message they give.
你為遠唔會係入面見到獨特，需要啲獨特品味既人先識欣賞既item，而係for你做一個又一個既複製人用的物品。即係咩？東施效顰囉！從來未見過佢地會有咩特別既商品，因為佢地舖位太細啦！細到唔尋常。一間品牌佔地三百尺？夠放啲咩？點解唔大啲？因為沙田人既消費力跟本未追得上，新城市亦唔夠「大」(其實太多位俾左食肆)去容納品牌專賣店。就我所見，舖位最大既依然係以前己經係度，消費力無變過既店舖，大眾書局，馬莎(縮左小小水)，皇家運動，百老𣾀(兩間變一間，陰公)反之，新勢力，全部細舖黎，間間都咁細，做就左所謂「麻雀雖少，五臟俱全」。

咁咪無左Self Identity囉！隔離新城市中央廣場(現名Home Square)，有幾多間舖姐，個水牌有幾大？但係每一間都有獨特之處，集大成就係一個賣傢俬既地方，有Cheap cheap 宜家傢俬，亦有貴價Taste Homeless。新城市，你既皇牌又係咩？食？

可能真係食，新城市改革後入得最多既除左潮流服飾點之外，就係食肆，以前二期低層係有條好大既走廊，左右都係食肆(前係以前KFC的地方)，而家？依然好多食肆。不過由以前五十蚊有找一個dinner變左七八十一個，再唔係破百都係話咁易。我以前係一期既和民做。人均目標係150，well，乜香港人咁有錢架咩？咁學生哥可以食啲咩？我得三四十蚊預算咋喎。對唔住，我答唔出。老麥kfc吉仔大快活美心大家樂啦。。。唉！Oliver Super sandwich, Mi-ne Sushi下加一堆我連名都唔記得既食肆，總之好似黎呢度係為左食咁。對唔住，我真係無咁多錢係度食野，可能我唔係佢既對象。但係搞笑既地方係，新城市係成個新界東既居民都會走去既地方（或者用東南，大埔，沙田兩區）而呢堆人亦唔見得特別有錢（除左火炭個堆豪宅人仕）無得食，可以點？行遠啲囉，多得佢變天，我開始走入禾輋，乙明，沙角等邨屋搵茶記，小餐廳。唔想食m記，可以點？終於，有譚仔附近出沒，有吉仔，KFC亦重開，重要開足兩間(不過變到好難食)

希爾頓，沙田中心，好運中心，連城廣場(沙田火車站上蓋,我唔講你會唔會以為新城市先係？),開始接收一眾被新城市踢出黎既街坊標記，班尼奴移前左去左連城，kfc去左沙田中心（早開過三期個間）佐丹奴般左入沙田廣場，如果新城市既IFC,沙田中心，好運，連城，希爾頓算唔算係合和，康樂？

既然有維港巨星，有無沙田英雄？
新城市一二三期，沙田中心，沙田廣場，好運中心，連城廣場，希爾頓中心，偉華商場，最後有孤僻既Home Square，都有十個啦！仲有文化知識既沙田大會堂，Very Nice!

Well.世事非不可能，再十年後，可能另一位沙田小克，為你畫出沙田英雄。

如果你睇晒又睇得明又有少少感觸既，請留個言，哈哈XD

香港人是面冷心更冷的人

大崩塌

2010年02月02日
二十歲的好學生葬身土瓜灣的塌樓災難，好教師聖誕前夕在秀茂坪給醉駕的司機撞死，葬身火海的消防員，在這個世界，該死的人，坐擁權貴，還貪得無厭的，沒有死；不該死的，忠厚善長，在艱辛的前線，在不見天日的底層，本來只求一份卑微的生存，卻在一個卑視人命價值的社會死了，才是最大的不公不義。
當然，世界上沒有絕對的公平。富有的人，也有好心腸的善長，窮人也有可惡的渣滓。但是，在馬頭圍道的塌樓災難裏，明明有充裕的十五分鐘，一個來自大陸的「鳳姐」，已經跑出來了，逃亡的人，只冷冷看了她一眼，沒有人告訴她危在旦夕，就此葬身瓦礫。
當一幫尊貴的議員，因為外面的「八十後」示威，「困」在立法會，可以一個電話就召來警務處長，喝令「你不給我搞定外面的示威者，我炒你的魷魚」時，妓女和窮學生困在真正的危城裏，無可呼援，這樣的社會不可能不出事。
當尊貴的議員和高官，在「八十後」圍城之際，可以坐在舒適的休息廳裏喝紅酒談笑風生，享受着警員在外面替他們「清場」，但妓女和窮學生在危樓將崩的十五分鐘裏，沒有人叫他們為了攸關的性命趕快撤走而成為悲慘的亡魂時，這樣的「國際都市」，不可能不出事。
當建一座高鐵動用六七百億，許多危樓舊廈沒有錢維修，為了追求「經濟繁榮」，七百億的地鐵可以貫穿無數窮學生、小販、失業者、一鳳樓脆弱的地基，只因為會帶來「長遠效益」之際，這樣的「發展」，也不可能不發生災難。
當香港的「主流媒體」，死者姓名齊全，只有那個來自中國內地的「鳳姐」，連名字也沒有的時候，這就不止是香港一地的「深層矛盾」──她或許來自四川、湖南，在遙遠的鄉間，她的父母在默默等她帶着一筆錢回家過年，她已經年近四十，也許，她還有一個等着母愛的小兒子。天崩地坼，她葬身異鄉，蝸居化為塵土，只留下殘牆上一張一對洋男女裸戲的海報在風中飛揚。
她生前最後得到的是一閃冷漠而沉默的臉孔。她與「恩客」共赴黃泉。告別了一座公義和良心塌陷了的活地獄，願她無痛地遠去，在天國俯瞰瓦礫的蒼生，她告訴自己，現在，我解脫了，我比你們都快樂。

（陶傑）

以上係陶傑(唔知邊個陶傑自己google,wiki下)對馬頭圍道崩塌一事既感想文。
睇完我極表同意，但係高登出黎既反應居然係

係咁架啦，唔係你想點

really sucks!!!
痴x線，咩料而家？我真係好灰。突然覺得呢個世界，唔係，係呢個香港真係好凍。
早排政壇好大動盪，身邊朋友無反應，ok香港人政治冷感。
今次冚樓，居然連一直鐘意囉新聞黎講既高登都死埋。
我對個啲facebook group完全無興趣，呢啲表面上既熱情，收番啦香港人。

節錄一個reply

係你多愁善感ja
我一d反應都冇囉
一秒都唔知死幾多個人啦

wt's the fucking crazyyyy!!!
呢啲咩人黎？即係秒秒死左咁多個人，突然死多一個係ok既。
下一秒你有親人／朋友離世唔好唔記得呢句話
或者我都好多愁善感。但係我多愁善感唔係在於篇文有幾感人，馬頭圍道事件有幾慘
而係你地對身邊所有事物既冷感...

Maybe you are right actually and I am wrong
雖然我會dead air,唔出聲，真假自閉，但係起碼
我好肯定我係樂觀既人，我相信我心中有一團火
但係多得呢個香港，可能到我三十歲個陣，心入面早以成為永恆冰河

唉！
If you want leave a comment,唔好打類似"睇開啲啦／係咁架啦／唔係可以做啲咩"，我實囉你黎開火

I am deeply disappointed to iPad

看完iPad 整體的定位之後，其實覺得今次iPad帶給我們的衝擊性其實很低。

MacBook/ MacBook Pro和iPhone/ iPod Touch中間的一個定位iPad主張娛樂性及消閒性，

但著實他的便利性其實很低，10"的大小意味著你必需帶著袋陪他一起出走，和iPod Touch/ iPhone 不同的就是這點。

Netbook市場本身已經因為iPod Touch 和iPhone的便利性而被侵蝕到你不會在街上看到人帶著他趴趴走的同時。

Apple這個侵蝕者居然玩這一種在自家品牌中有overlapping的東西，當初他為了令iPod Nano和iPod Touch有所分別已花了不少功夫。

如今卻又再次自打嘴巴之餘，帶給一部毫無新意和衝擊性的Netbook，

對不起，這個價錢太大了，499美元是可以買一部很強的Netbook了，但不包括你阿，iPad。

市場上3800左右已經是最高級的Netbook了，Netbook只是值三千左右的價格。

而非要我用上四千甚至五千的價格，抱歉，這不是我們想看到的。

Rec 2

好少可會套戲一出就心思思想睇
仲要第一集同第二集都係咁

可能Rec比我既衝擊太大，老實講，呢套戲一開波真係嚇到你傻
第一集都係嚇你為主，後尾先開始有番啲劇情。
不過睇完第二集，雖然劇情唔係好有深度，但係睇得出佢地設定好仔細。

如果想用第一集既心態／餘韻佢睇第二集，你一定會好失望。
講真，嚇人既地方少好多好多，笑位可能仲多過佢。
成套戲依然係用camera man第一身視點。

相比上次，今次因為要交代劇情＋玩野(我個人覺得係係度玩野)
喪屍好少死，有槍唔係大晒。佢表達到即使係專業飛虎隊隊員，
面臨呢啲難以置信既野都係會發晒癲。

劇情會一直一直明朗化，因為今次入去撞到"野"唔係意外，係預左。
不過預左既只有個位醫生，班飛虎隊一無所知。呢度顯出boss既聰明。
好明顯，對方無諗住俾呢班專業人仕適應既機會。
(上一集到後段雖然人類比人嚇到傻傻下，不過仲有意識見到唔係路就要殺)
而且因為對方人數少，佈局變得好重要。人海戰術+孤立包圍+突擊，證明boss係有智慧的。

另外神父亦有幾個不智既地方，佢誤估左飛虎隊員無能力壓制喪屍(一開始得，之後都會攰)
而且佢無叫到幫手囉血清既隊員行開啲(雖然我諗佢都估唔到)。
另外就係太信任隊員，唔自己親自檢驗呢個外來人(女主角)。
雖然佢最後堅持唔放人出去，亦都睇穿左boss既真身，此舉算係佢最聰明，如果唔係就可以拍第三集。
但係我都唔知佢點拍第三集(打完發現想拍)

死左既神父死最後都有現身，呢度可以睇出影片既仔細，
因為佢係神職人員，所以喪屍埋唔到佢身(無事)，有一個我好奇既地方係
死左既神父屍體變左木乃伊，據我所知死後變木乃伊好大原因因為佢係聖人，
呢個設定真係幾過癮。不過應該無乜人留意，佢出得個幾分鐘。

當我地好奇緊點解女主角可以走番出黎，仲可以囉部camera俾佢地個陣。
劇情跳去終局。神父都係唔夠boss鬥，但係boss最後亦無辦法走出去大廈。

成件事發展要用少少時間分析
以下極度劇透，想睇就唔好睇啦
睇完唔明發生咩事(係有呢啲架下)








惡魔上身少女發現(Mederosi)，神父收留並研究
其間神父使用大量小孩研究並置於通風道。
神父留下Mederosi(下稱boss/source)既血液死去，
Mederosi開始利用小喪屍們伺圖出去。
Jennifer隻狗受感染，發癲婆婆亦是。
Jennifer亦受狗感染。
同時，消防隊進入大廈
發癲婆婆趁保安入黎個陣發癲，眾人想走佬個陣政府決定隔離。
當醫生話Jennifer隻狗有事個陣，Jennifer發癲咬佢媽子
第一集慘劇發生，最後女主角走上頂樓，發現Mederosi
最後Pablo被殺，Boss將自己身份同Angela交換，Mederosi變左隻傀儡喪屍。
第二集開始。
SWAT進入大廈，所有喪屍依計匿埋伏按兵不動。
頂樓搜查，Mederosi因為要用夜光先睇到，所以搵唔到佢。
小喪屍由天花版襲擊SWAT，係通風道囉到血夜樣本
但係不慎燒毀。
SWAT進入大廈之後，Jennifer老豆(佢屋企都幾煩)囉藥想搵佢。
後生仔承機入去，俾政府發現最後秘道，封埋！
幾個喪屍都死左，其中一個喪屍SWAT見到個陣已經死左，發現炮仗
而個個就係Jennifer媽媽，後生仔們見到佢個陣佢仲扮緊野
佢老公走埋去就發惡，最後死於沖天炮下(得啖笑....)
係殺頭幾隻喪屍時中招既隊員，呃左後生仔開門
之後消防員死埋，中招隊員死埋，後生仔中招成為最後線索。
Angela再現。囉到最後一部camera。上頂樓發現隱形門。
隊長被Mederosi殺，Mederosi被Angela殺。Angela發癲死都要出去，殺埋Cam Man。
神父到死都唔放人出去，Angela殺埋神父之後扮神父把聲想出去，但係解釋唔到自己點解無事。
劇終。

After 80's

八十後

2010年，新年流流。但係我份人就無乜節日氣氛既，
新年都係照舊食飯打機畫畫訓教，得閒出去散下步行下街。That's all.

拿即係咁，上網唔上去啲討論區遊下就真係唔上都無乜所謂。
但係而家去到邊都係八十後，八十後，八十後。
就好似盧廣仲既我愛你咁，重覆，重覆，再重覆。

X！即係咁，我本身份人就好隨和，But!我最討厭既係下定義。
我想問有邊一個年代出世既人可以俾人用一篇文章／論文去完全概括？
再即係咁，而家我眼見咁多份都唔關我事，咁我係唔係唔算你地口中既「八十後」？
OK你要有啲Term去代表自己代表人地，無問題。但係我要俾你地代表？
Ok你可以話唔代表你架喎，無問題。但係將來人地就會用三個字黎代表我既過去。

得得得，講咁多「八十後」，我都唔想去探討邊個搞呢個名詞出黎，但係又無聽過六十後，七十後。
好神奇架喎！「六十後」唔係好威架咩？當年六四既大學生唔係就係佢地咩？
原來人地上左神枱，叫「民運人士」。又一個下定義。
我都話我討厭下定義呢樣野架啦，阿陳小姐，即係陳巧文，佢自稱「八十後」。
(拿，佢自稱，咁我無計架)
咁佢所做既野，係咪代表我？痴X線！我同你既政治眼光唔同，係咁先！
我覺得佢叫「民運人士」差唔多，但係呢？偏偏個班「民運人士」又唔認佢喎。
X！到頭來下咁多定義，又要互相有overlapping個陣，就係到推卸責任。
遊行人仕有人搗亂喎！哦！係班「八十後」阿嘛。反高鐵大聯盟盟友，係「民運人士」。
咩料？即係「八十後」係撩事鬥飛，「民運人士」係神枱上的境界，佢地唔會做壞事的？

我唔反對香港多啲人參與政治討論／活動。但係唔好不斷地彈出一個又一個既定義，
然後將一個人不斷重覆又重覆佢既身份，視乎情況，將佢編去唔同既定義度。
佢係「民運人士」，亦都係「八十後」。你可以叫佢「八十後的民運人士」，
但當佢涉及一啲有關民運既活動個陣，麻煩你叫佢做「八十後的民運人士」或者「民運人士」，
而非「八十後」。

I am who I am,not others! Especially after 80s from your FxxKing mouth!

Wt's 09

過完了元日，對我而言，元旦係囉黎訓既！
唔知第幾年，除夕玩到癲跟住元旦起身跟本八九點，係夜晚！
晒X氣，繼續訓啦咁樣不如。

夜晚無無聊聊回顧下上年究竟做過乜。
何謂零九。

每一年都係充斥住失敗，轉變，第一次，年年都係架啦！年輕人
又唔係七老八十，試著人世常情。

但總有啲事係不說不吐不快。
我依然痛恨某些事。
友(有)人話過我做人好有layer，無錯，我憎你就真係憎你，
唔好同我有interaction，你做乜唔關我事，唔好影嚮到我重視既人。
被我憎恨既人，我唔會咁易顯現出黎，不過熟我少少既都會知道我憎緊佢。
所以，唔好係我面前提佢，THANKS!
繼續layer，我可以無條件接受某些人極度無理既要求，
點解？我鐘意阿，係咁架啦，明知佢錯我都唔鬧佢架，
好心好報？我想架，但係呢個現實世界無呢回事，但係唔代表我可以掉左個好心佢！
你被我擺到上天，係我心目中你係真係可以唯我獨尊既，That's the point！
So, 我覺得我無情既決定，無做錯到，縱使我真的做錯了。

年年總會有段時間，我會唔知自己做緊乜，又會係度諗生存既意義。
但係通常諗完一大輪都唔會有得著，因為呢個咁哲學性既問題跟本無意義。
但係年年都唔知自己點樣唔諗呢啲野，下半年有個習慣，就係冥想。
我都唔知算唔算係冥想，只係將合埋雙眼，然後當自己唔存在，去感受呢個世界。
存在既義意，變得了無重要，世界有你無你都係咁。
活在當下，最緊要，過得快樂。
多左一句座右銘：每天只為快樂過活。
縱然我會發火，縱然我會挫折，縱然我想流淚。但總結上，我的人生每一天也會笑=]

零九有一個唔好既現象，體質好似差左。雖然照舊未病過，豬流感？只聞樓梯響，有膽就黎做我阿笨。
但係皮膚差左，集中力低左，臨近年尾仲要精神力都低埋。希望只係低潮期既影響，I Believe that I am healthy!
其實真係好恐怖，咁多年都未病過，會唔會到他朝有一日俾人(?)一招ko。不過未來，我管唔到，青春是用來亂來的！

青春是甚麼？青春就是自我。
成日睇片，總係要描述啲人出到社會無晒自由，自我，唔知自己做緊乜。
我唔希望成為其中一份子，亦害怕最後被迫成為其中一份子(我相信入面既人唔會係想架囉！)
遲左一年先睇烈日當空，我唔會話入面同你講既就係我認同既青春。
但係我覺得，佢令我可以好肯定搵到一個詞語去形容春青。
我會因為我憎你，所以我唔理你，若果若干年後，我仲會唔會咁做？
利害關係，對與錯。Who fxxxing care! 青春就是自我，想點，就點。

零九入面我個人變得好似好Artist，唔係唱歌個個Artist，
每一件事，每一樣野，我都可以將佢自由咁無限放大同縮細。
讀左一年半Product Design，我搵到自己既style，搵到一點點既自我。
會留連係一啲同Art有關既地方，LV展，字花園。個人諗野都有轉變。
以前真係會話"是但啦！"，而家，連講"是但啦"都會諗過度過。
繼續放大自我的青春，我開始為左自己奉行既主義直接實踐出黎。
一個看似Artist既行為，說穿了其實係青春基因作祟。自我，表現出黎個陣就只有"我"唔知佢出左黎。

最後我講句：我係會發嬲的，唔好經常用同一樣野刺激我。

PS:被我tag既人，有啲野係想同你講的，咁好心機睇完咁長麻煩俾多少少心機去get我想講既野.Thanks!